‘ഇതുവായിക്കുന്ന ഏതെങ്കിലും ഒരു സാധാരണ, ജന്മം കൊണ്ട് അറിയാതെ മുസ്ലിം ആയി പോയി, പിന്നീട് അതിലെ പൊള്ളത്തരങ്ങള്‍ കണ്ടിട്ടും അത് പ്രതിരോധിച്ചുകൊണ്ടൊക്കെ അതില്‍ ഉറച്ച് നില്‍ക്കാന്‍ ശ്രമിച്ചുകൊണ്ടിരിക്കുന്ന, അല്ലെങ്കില്‍ തന്റെ വിശ്വാസത്തിനു തീക്ഷ്ണത പോരാ എന്ന് തോന്നി ഇന്ത്യന്‍ സുന്നി എന്നതില്‍ നിന്നും മാറി സലഫി ആശയങ്ങളോട് ഒക്കെ കൂറ് തോന്നി തുടങ്ങുന്ന, അല്ലെങ്കില്‍ സുന്നികളിലെ തന്നെ ചില തീവ്ര ആശയക്കാരോട് സ്‌നേഹവും ആഭിമുഖ്യവും ഒക്കെ തോന്നുന്ന ഒരു മുസ്ലിം ആണ് താങ്കള്‍ എങ്കില്‍, ഈ പോസ്റ്റിനോടൊപ്പം കൊടുത്തിരിക്കുന്ന ചിത്രത്തില്‍ നോക്കി താങ്കള്‍ ഏതു തലത്തില്‍ നില്‍ക്കുന്ന മുസ്ലിം ആണ് എന്ന് ഒന്ന് സ്വയം പരിശോധിക്കുക. എന്നിട്ട്, സ്വയം തീരുമാനിക്കുക, താങ്കള്‍ ഒരു പൊട്ടന്‍ഷ്യല്‍ ജിഹാദി ആണോ അല്ലയോ എന്ന്.’- ഡോ ആരിഫ് ഹുസൈന്‍ തെരുവത്ത് എഴുതുന്നു |
നിങ്ങള്‍ക്കും ആകാം ജിഹാദി..!
വേള്‍ഡ് ട്രേഡ് സെന്റര്‍ ആക്രമണത്തിന്റെ സൂത്രധാരനെ മാതൃകയാക്കി, ‘എന്റെ ജീവിതവും മരണവും ഈ ലോകത്തിന്റെ രക്ഷിതാവിനു ആകുന്നു’ എന്ന ഖുര്‍ആന്‍ വാക്യം മെഡിക്കല്‍ കോളേജിലെ ഒന്നാം വര്‍ഷത്തിലെ റെക്കോര്‍ഡ് ബുക്കിന്റെ ഫൈനല്‍ സബ്മിഷന്‍ സമയത്ത് അതില്‍ എഴുതിപിടിപ്പിച്ച് അഹങ്കരിച്ചു നടന്ന ഒരുവന്‍ ഇന്നിങ്ങനെ പറയുന്നുണ്ട് എങ്കില്‍ അത് വെറുതെ അല്ല. തിരിച്ചറിവ് കൊണ്ട് മാത്രം ആണ്. ഒരു സംശയവും വേണ്ട.
ഏതൊരു മനുഷ്യനും, ഓരോ മുസ്ലിമും മതം ഇല്ലാതെ ആണ് ജനിച്ചു വീഴുന്നത്. പക്ഷേ, നിമിഷങ്ങള്‍ക്കകം അവന്റെ കാതുകളില്‍ കൊടുക്കപെടുന്ന ബാങ്കൊലികളും, പുരട്ടപ്പെടുന്ന ഈത്തപ്പഴ കാമ്പും, തേന്‍തുള്ളികളും അവനെ ഒരു മുസ്ലിം ആക്കി മാറ്റുകയാണ്.
പിന്നീട് അവന് ഒരു അറബി നാമം നല്‍കപ്പെടുന്നു. അവന്റെ അല്ലെങ്കില്‍ അവളുടെ ജനനേന്ദ്രിയങ്ങള്‍ വികൃതമാക്കപ്പെടുന്നു, മതാചാരങ്ങളുടെ ഭാഗമായി തന്നെ. അവന്റെ പേരില്‍ മൃഗങ്ങള്‍ ബലി കഴിക്കപ്പെടുന്നു. പോത്തു ബിരിയാണി വെച്ച് വിളമ്പപ്പെടുന്നു…! അങ്ങനെ അവന് മുസ്ലിം ഉമ്മത്തിന്റെ ഭാഗമായി മാറുകയാണ്.
ഇങ്ങനെ തികച്ചും യാന്ത്രികമായി തുടങ്ങുന്ന ഒരു മത ജീവിതത്തില്‍ പിന്നെ എവിടെ വെച്ചാണ് ഒരുത്തന്‍ ലാദനോ, കസാബോ, നസീറോ ഒക്കെ ആയി മാറുന്നത്? എപ്പോഴാണ് അവര്‍ ആണെന്നോ പെണ്ണെന്നോ ഭേദമില്ലാതെ ആടുമേക്കാന്‍ പാകത്തിന് പരുവപ്പെടുന്നത്? എപ്പോഴാണ് അവര്‍ ഒരു ഇസ്ലാമിക പോരാളി ആയി – ഒരു ജിഹാദി ആയി പരിണമിക്കുന്നത്? എപ്പോഴാണ് അവനു ഒരു ഫിദായീന്‍ ആയി മാറുവാന്‍ തോന്നുന്നത്?
ഇവിടെ ആണ്, നമ്മള്‍ പറയേണ്ടി വരുന്നത്, ഇന്ന് ജീവിച്ചിരിക്കുന്ന ഓരോ ഇസ്ലാമത വിശ്വാസിയും അറിഞ്ഞോ അറിയാതെയോ ഒരു ജിഹാദി തന്നെ ആണ് എന്ന്. അറിഞ്ഞുകൊണ്ട് ജിഹാദികള്‍ ആയവരെ മാത്രം ആണ് നമ്മള്‍ കുറ്റവാളികള്‍ ആയോ, പൊട്ടിത്തെറിച്ച ശവങ്ങളായോ അറിയുന്നത്. അല്ലാത്തവര്‍ അവര്‍ അറിയാതെ തന്നെ ഇസ്ലാമിക രാജ്യത്തിനായി പോരാടുന്ന ഒരു ജിഹാദി ആയി മാറാന്‍ കെല്‍പ്പുള്ള പൊട്ടന്‍ഷ്യല്‍ ജിഹാദികള്‍ തന്നെ ആയി ആണ് നിലകൊള്ളുന്നത്. ആദ്യം ജനാധിപത്യം വേണം എന്ന് പറയുന്ന, പിന്നീട് ജനാധിപത്യം വേണ്ട എന്ന് പറയാന്‍ പോകുന്ന, ഉറങ്ങുന്ന ജിഹാദികള്‍…!
പക്ഷെ കാര്യങ്ങള്‍ ഇസ്ലാമില്‍ ഇങ്ങനെ ഒക്കെ ആണ് എന്ന് മനസ്സിലാക്കി ആരെങ്കിലും ഇസ്ലാമില്‍ നിന്നും രാജിവെക്കാന്‍ തീരുമാനിച്ചാല്‍, അവന് ജീവിക്കുന്നത് ഒരു ഇസ്ലാമിക രാജ്യത്തില്‍ അല്ലെങ്കില്‍ അവനു, അവന്റെ തല സുരക്ഷിതമായി ലഭിക്കുകയും, ഒരു മനുഷ്യന്‍ ആയി ജീവിതം തുടരുവാന്‍ സാധിക്കുകയും ചെയ്യും. അവനെ തല്‍ക്കാലം ഒരു മുന്‍മുസ്ലിം എന്നോ അല്ലെങ്കില്‍ ExMuslim എന്നോ വിളിക്കാവുന്നതാണ്. സത്യത്തില്‍ അവനെ വിളിക്കേണ്ടത് ‘മുന്‍ ജിഹാദി’ എന്ന് തന്നെ ആണ്…!
ഏറ്റവും ബാഹ്യമായ, പ്രകടനപരത മുറ്റിനില്‍ക്കുന്ന അനുഷ്ടാനങ്ങളും, ഹലാല്‍ പോലെയുള്ള നിഷ്‌കര്‍ഷ നിലപാടുകളും, സമൂസയും, പോത്തിറച്ചി വരട്ടിയതും, ഒപ്പനയും, ഇഫ്താര്‍ വിരുന്നും, മരിച്ചവരുടെ വീട്ടിലെ യാസീന്‍ ഓത്തും ഒക്കെ ആണ് ഇസ്ലാം എന്ന് കേട്ടാല്‍ ഏതൊരാളുടെയും മനസ്സിലേക്ക് ആദ്യം ഓടിയെത്തുന്നത്. എന്നാല്‍ അത്തരം കാര്യങ്ങളില്‍ നിന്നും കൂടുതല്‍ കുഴപ്പം ഉള്ള രാഷ്ട്രീയ ഇസ്ലാം നിഷ്‌കളങ്ക മുസ്ലിങ്ങളെ പിടിച്ചു വലിക്കുന്നത് പെട്ടന്നായിരിക്കും എന്ന് അധിക പേരും തിരിച്ചറിയാറില്ല. അതിനു ഏറ്റവും കൂടുതല്‍ കാരണക്കാര്‍ ആവുന്നത് ഇവിടെ ഉള്ള ശുദ്ധവാദക്കാരായ സലഫി – വഹാബി പ്രസ്ഥാനങ്ങള്‍ ആണ്. അവര്‍ കൊടുക്കുന്നത് ജിഹാദിനുള്ള പ്രേരണകളും, പരിശീലനങ്ങളും ആണ്. ജിഹാദ് എന്നത് ഒരുമുസ്ലിമിന് നിര്‍ബന്ധമാണ് എന്ന അധ്യാപനം ആണ്.
അത് അപകടം ആണ്. അവിടെ നിന്നും പിന്നീട് ജിഹാദ് എന്നത് ഒരു പ്രധാന ജീവിത ലക്ഷ്യം ആയി മാറുന്നതോടെ, ആദ്യം അത് വ്യക്തി ജീവിതത്തില്‍ കൊണ്ടുവരികയും, പതിയെ അത് സമൂഹത്തിലേക്ക് തന്നെ വ്യാപിപ്പിക്കുകയും ചെയ്യുക എന്നതാണ് ഒരു ശരാശരി ശുദ്ധവാദക്കാരന്റെ, ജിഹാദിയുടെ രീതി. ഇന്ന് നമ്മുടെ സമൂഹത്തില്‍ കാണുന്ന പല മത നേതാക്കളും ഇതില്‍ ഏതെങ്കിലും ഒരു തലത്തില്‍ ആണ് എത്തിനില്‍ക്കുന്നത് എന്ന് വ്യക്തമായി കാണുവാന്‍ സാധിക്കും. സലഫികള്‍ ആണ് അതില്‍ മുന്‍പന്തിയില്‍ നില്‍ക്കുന്നത് എന്ന് നിങ്ങള്‍ക്ക് ഒരു സംശയവും ഇല്ലാതെ പെട്ടന്ന് തിരിച്ചറിയാന്‍ സാധിക്കുകയും ചെയ്യും.
പറഞ്ഞ് വരുന്നത്, ഇതുവായിക്കുന്ന ഏതെങ്കിലും ഒരു സാധാരണ, ജന്മം കൊണ്ട് അറിയാതെ മുസ്ലിം ആയി പോയി, പിന്നീട് അതിലെ പൊള്ളത്തരങ്ങള്‍ കണ്ടിട്ടും അത് പ്രതിരോധിച്ചുകൊണ്ടൊക്കെ അതില്‍ ഉറച്ച് നില്‍ക്കാന്‍ ശ്രമിച്ചുകൊണ്ടിരിക്കുന്ന, അല്ലെങ്കില്‍ തന്റെ വിശ്വാസത്തിനു തീക്ഷ്ണത പോരാ എന്ന് തോന്നി ഇന്ത്യന്‍ സുന്നി എന്നതില്‍ നിന്നും മാറി സലഫി ആശയങ്ങളോട് ഒക്കെ കൂറ് തോന്നി തുടങ്ങുന്ന, അല്ലെങ്കില്‍ സുന്നികളിലെ തന്നെ ചില തീവ്ര ആശയക്കാരോട് സ്‌നേഹവും ആഭിമുഖ്യവും ഒക്കെ തോന്നുന്ന ഒരു മുസ്ലിം ആണ് താങ്കള്‍ എങ്കില്‍, ഈ പോസ്റ്റിനോടൊപ്പം കൊടുത്തിരിക്കുന്ന ചിത്രത്തില്‍ നോക്കി താങ്കള്‍ ഏതു തലത്തില്‍ നില്‍ക്കുന്ന മുസ്ലിം ആണ് എന്ന് ഒന്ന് സ്വയം പരിശോധിക്കുക. എന്നിട്ട്, സ്വയം തീരുമാനിക്കുക, താങ്കള്‍ ഒരു പൊട്ടന്‍ഷ്യല്‍ ജിഹാദി ആണോ അല്ലയോ എന്ന്. ആണെങ്കില്‍ അങ്ങനെ മുന്നോട്ട് പോകാന്‍ ആണോ ഉദ്ദേശിക്കുന്നത് എന്ന്? അതല്ല പിന്തിരിഞ്ഞു ഒരു മനുഷ്യനായി ജീവിക്കണം എന്നാണോ എന്ന് ആലോചിക്കുക. ജനാധിപത്യവും, മതേതരത്വവും ഈ നാടിനു ആവശ്യം ആണോ എന്ന് കൂട്ടി കിഴിച്ച് നോക്കുക.
(ചിത്രം: ഓരോ മുസ്ലിമും ഇസ്ലാമിക രാജ്യത്തിനു വേണ്ടി നിലകൊള്ളുന്ന ഒരു ജിഹാദി ആകാന്‍ സാധ്യത ഉണ്ട് എന്ന് പറയുന്നത് എന്തുകൊണ്ട് എന്നത് വിശദീകരിക്കുന്നു.)
എന്നിട്ട് നോക്കുക, താങ്കള്‍ എത്തിനില്‍ക്കുന്ന തലം അതിനെ പിന്തുണക്കുന്നതാണോ, അതോ എതിരിടുന്നതാണോ എന്ന്.ഇങ്ങനെ വസ്തുനിഷ്ഠമായി കാര്യങ്ങളെ അപഗ്രഥിച്ച് പഠിച്ചത് കൊണ്ടാണ്, ഒരു പൊട്ടന്‍ഷ്യല്‍ ജിഹാദി ആയിരുന്ന ഞാന്‍ ഇന്ന് ഒരു എക്‌സ് മുസ്ലിം ആയി നിലകൊള്ളുന്നത്. ലാദനും സദ്ദാമും ഒക്കെ ഇസ്ലാമിലെ ആണ്‍കുട്ടികള്‍ ആണ് എന്ന തലക്കെട്ടുകള്‍ കണ്ടു ത്രസിച്ചിരുന്ന എന്റെ പൂര്‍വ കാലം ഇന്ന് എനിക്ക് ഓര്‍ക്കുമ്പോള്‍ തന്നെ ലജ്ജയാണ്.
തിരിച്ചറിവ് ആണ് പ്രധാനം. അത് കിതാബുകളിലൂടെ ഇറക്കി കിട്ടുന്ന ഒന്നല്ല. സമൂഹ വായനയിലൂടെ, നിരന്തര പഠനങ്ങളിലൂടെ, വിശകലനങ്ങളിലൂടെ, എല്ലാറ്റിനും ഉപരി മുന്‍വിധിയില്ലാതെ ഉള്ള അപഗ്രഥനങ്ങളിലൂടെ മാത്രം ആര്‍ജ്ജിച്ചെടുക്കുന്ന ഒന്നാണത്. അത് ആര്‍ക്കും സാധിക്കും. ഒന്ന് ശ്രമിച്ചു നോക്കുക.
